Hvaða staðir eru skráðir á síðuna?
Eins og sjá má eru nær allir veitingastaðir landsins skráðir á vefsíðuna. Það er talsverð vinna (og þar með kostnaður) fólgin í því að fylgjast með breytingum á veitingamarkaði og því eru allar ábendingar vel þegnar. Sumir staðir eru með stærri skráningar, þ.e. keyptar skráningar með leitarorðum, logo, texta, myndum og fleira. Að jafnaði eru þetta traustir og góðir veitingstaðir sem við bjóðum slíkt og því staðir sem eru í traustu eignarhaldi. Ef þú finnur ekki stað sem þú ert að leita að gæti skýringin verið sú að hann sé nýopnaður, einnig kemur fyrir að við skráum ekki staði sem sífellt eru að skipta um eignarhald og kennitölur.
Facebook fréttir
Við erum nú með "page" síðu svo það er orðið enn einfaldara að verða vinur okkar, einungis þarf að smella á "like". Á Facebook tilkynnum við stundum tilboð hjá okkur og annað áhugavert efni.
Skráðu þig endilega sem vin okkar þar ef þú hefur ekki þegar gert það.
Vinningshafar af póstlista
Guðbjörg Sigurðardóttir sem hlaut gjafabréf á glæsilegt hádegisverðarhlaðborð fyrir 2 á
Domo ásamt drykkjum.
Kristín Gísladóttir sem hlaut gjafabréf fyrir 2 í jöklagöngu á Sólheimajökli.
Við óskum þeim til hamingju, 2 aðrir vinningshafar eru á tilgreindir á
ferðavefsíðu okkar.
Skráðu þig á póstlistann okkar hérna vinstra megin til að eiga möguleika á vinning í framtíðinni.
Fréttir og tilboð
www.veitingastadir.is - sumar m.a. á Norðurlandi
Veitingastadir.is og Visitorsguide.is hafa eins og endranær verið á faraldsfæti í sumar. Að þessu sinni einkum um Norðurland. Við höfum meðal annars notfært okkur mjög gott tilboð hjá www.fosshotel.is, þar sem hægt er að kaupa á góðum kjörum passa sem gildir í 3 eða 5 nætur hjá þeirri ágætu keðju. Við mælum með þessum pössum þar sem verð fer niður í um kr. 10.000 fyrir tveggja manna herbergi með morgunmat. Reynsla okkar af hótelunum var góð, við vorum til að mynda á Fosshótel Húsavík á svokölluðum Mærudögum. Hótelið var gott, herbergi rúmgóð og þjónusta góð. Við heimsóttum að sjálfsögðu einhverja veitingastaði í ferðinni einkum á Akureyri. Strikið á Akureyri sem var að venju gott. Einnig Rub23 sem í sumarbyrjun flutti í húsnæði sem áður hýsti Friðrik V. Í forrétt fengum við okkur sushi sem var fínt en þó svipað og maður á að venjast úr höfuðborginni. Einn sushibitinn kom skemmtilega á óvart en það var lítil sushipizza. Í forrétt fengum við okkur túnfisksteik og bland af fiski staðarins. Réttirnir voru báðir ljúffengir og mjög vel úti látnir. Við myndum sérstaklega mæla með réttinum með blandaða fisknum og þjónustan var mjög góð. Einnig sjá veitingstadir.is ástæðu til að mæla með Gistiheimili Akureyrar, Skipagötu þar sem við fengum mjög gott herbergi á efstu með frábæru útsýni. Verðið var einnig sanngjarnt - þetta herbergi var mun betra en í Hafnarstræti þar sem við höfum einnig gist hjá sömu keðju. Við fórum einnig til Vestmannaeyja í 2ja daga ferð. Skemmtileg tilbreyting og gaman að koma þangað. Þó var verð fyrir sérstaklega gistingu og einnig mat reyndar full hátt og greinilegt að aukin eftirspurn hefur leitt til að verð hefur verið hækkað. Það var því miður ekki alveg í takt við gæði. Í Borgarnesi á veitingastað Landnámssetursins fengum við hinsvegar afbragðs góðan mat. Aðalréttur var annars vegar ákaflega góð keila og hinsvegar grillað hrossakjöt! Það kjöt var einstaklega gott og með því betra sem forsvarsmaður veitingastadir.is hefur smakkað.
Lava veitingastaður, Bláa Lónið - tilboð með mat
LAVA veitingastaður Bláa Lónsins er með gott tilboð um þessar mundir. Fordrykkur er í boði hússins þegar pantað er af matseðli LAVA. Þú getur séð matseðilinn hér. Þetta tilboð gildir ekki með öðrum tilboðum.
Perlan - 4 rétta seðill
Glæsilegur 4 rétta seðill sem samanstendur af sem Lystauka hvala “carpaccio”. Svo kryddlegin Bleikja með rússneskri pönnuköku, dillrjóma og piparrótarsósu. Því næst rjómalagðri Humarsúpu, með madeira og grilluðum humarhölum . Í Aðalrétt er hægt að velja um annaðhvort Fisk dagsins það ferskasta hverju sinni útfærðum af matreiðslumönnum Perlunnar eða Lambatvennu með steinseljurótarmauki, aspas, rófu, soðkartöflu og basil-myntu gljáa. Í eftirrétt er svo kókoshnetu tapioca með steiktu mango og lychee sorbet . Verð er kr. 7.290
Fiskmarkaðurinn - sushi kvöldseðill
Fiskmarkaðurinn býður nú upp á sushi kvöldseðil
. Fjöldi samsetninga er í boði, 6-16 bita nigiri, maki og sashimi bland, nigiri koddapar ásamt öðru góðgæti.
Silfur - nýr matseðill og lækkað verð
Meðal nýjunga á seðlinum má nefna forrétt sem hefur hlotið góðar undirtektir, reyktur lundi og gæs með rauðbeðusultu og ostakodda. Hrefnusteik í aðalrétt og lambahryggvöðvi með lambaconfit og humar. Verðin fara lækkandi en matseðillinn í hádeginu og á kvöldin hefur lækkað um 15-25%
Mánudaga til föstudaga opnar eldhúsið kl. 11.30 en á laugardögum og sunnudögum kl. 14.00
Café Paris - börn borða frítt
Nú er frítt fyrir börn 12 ára og yngri alla þriðjudaga á Café Paris (matur af barnamatseðli). Alla daga er gott verð af rétti dagsins eða aðeins 1.690 kr, val um kjöt eða fiskrétt. Sama verð er í hádeginu og kvöldin.
Argentína steikhús - 4ra rétta seðill
Á Argentínu er nú 4ra rétta seðill, Fjórir diskar - Fjögur glös, á aðeins 7.900 kr. Á þessum frábæra seðli er m.a kryddgrafinn nautavöðvi og grilluð nauta Top loin steik. Opið er alla daga á Argentínu steikhúsi.
Saffran - fyrirtækjaþjónusta nýjung Saffran býður nú fyrirtækjum og félagasamtökum upp á hópmatseðla í hádegi. Maturinn er hollur, ferskur og framandi, framleiddur úr fersku hráefni sem inniheldur engin aukaefni, engan hvítan sykur og ekkert hvítt hveiti og er algjörlega laus við transfitusýrur. Reynt er að notast við íslenskt hráefni eftir fremstu getu. Hægt er að velja um að fá matinn sendan daglega, vikulega, hálfsmánaðarlega, einu sinni í mánuði eða bara eins og hentar þínu fólki. Kokkarnir gæta þess að fjölbreytnin sé höfð í fyrirrúmi og velja eitthvað nýtt af matseðli hverju sinni. Fyrir frekari upplýsingar sendið fyrirspurn á oddur@saffran.is eða hringið í síma 691-5884.
Sjá umfjallanir um veitingastaði hér.
