Þátttakendur á póstlista eiga möguleika á því að vinna gjafabréf á veitingastaði o.fl.
Hefurðu fetað svartan sandin í fjöru Stokkseyrar? Látið heillast af hvítfyssandi öldunum úti við sjóndeildarhringinn og látið silfurlitað gjálfur fjöruborðsins elta þig og tæla. Undir blábleikum himninum sem speglast í vatninu, þessu yfirborði sem freistar og laðar, en er þó svo átakanleg endamörk okkar mannlega heims. Meðan hafmeyjar þjóna til borðs innan um þangvafðar rækjur, klappandi skelfiska og forvitnar ýsur. Þetta er galdrapunktur sem hrifur þig með í annarlegt, ölvað ástand velliðunar og losta þú þráir það eitt að sjúga humar í hvítlauk og smjöri, teyga hina frábæru súpu á Fjöruborðinu, sem jafnan er í gjörgæsludekri og hefur litið breyst i áranna rás. Vorið 2005 eignaðist fyrirtækið Flóð og Fjara ehf rekstur Fjöruborðsins og hefur rekið óslitið síðan. Eigandi er Róbert Ólafsson matreiðslumaður. Yfir 35 þúsund manns heimsækja veitingastaðinn ár hvert og gæða sér á veitingum. Fjöruborðið leggur mikla áherslu á að nota íslenskar afurðir og kaupa ekki tilbúnar vörur. Humarhalar er verslaðir bæði frá Höfn í Hornafirði og Þorlákshöfn og það renna í kringum 15 tonn af humarhölum í gegnum eldhúsið á ári hverju.