Góð sjávarréttarsúpa, uppskriftin er í tveimur pörtum, fyrst fiskisoðið og svo sjálf súpan.

Fiskisoð

Hráefni

• 2  kg.  Fiskibein.
• 8  L  Vatn.
• 1  mtsk.  Dill.
• 4  mtsk.  Tómatpúrre.
• 3  mtsk.  Grænmetiskraftur.
• 2  tsk.  Hvítur Heill pipar.
• 3  stk.  Lárviðarlauf.
• 1  stk.  Laukur.
• 2  stilkar  Sellerí.
• 2  stk. Steinseljustilkar.
• 2  stk Gulrætur.

Matreiðsla

1. Fiskibeinin þrifin og snyrt, augun og tálknin tekin úr fiskinum.
2. Öllu blandað saman í pott, gulrætur, sellerí og laukur skorið í fernt.
3. Látið sjóða í 25 mín. og soranum fleytt af öðru hverju.
4. Sigtað svo yfir í annan pott og þykkt með smjörbollu.

Sjávarréttarsúpa

Hráefni

• 5  L.  Fisksoð.
• 2  mtsk.  Grænmetiskraftur.
• 1  mtsk.  Hvítlaukssmjör.
• 3  dl.  Hvítvín.
• 4  dl.  Rjómi.
• 150 gr Rækjur.
• 150 gr Hörpuskel.
• 150 gr Kræklingur.
• 150 gr Fiskur, skorin í bita (Getur verið lax, steinbítur, lúða, karfi, þorskur eða annars konar fiskur )

Matreiðsla

1. Hellið fiskisoðinu í pott og setjið útí grænmetiskraft, hvítlaukssmjör og hvítvín.
2. Leyfið suðunni að koma upp og öllu innihaldinu að leysast upp.
3. Að lokum bætið rjóma útí og fiskinum 5 mín. áður en súpan er borin fram.
4. Gott er að skreyta með smá þeyttum rjóma og saxaðri steinselju.